கிளை நிர்வாகிகள் கூட்டத்திற்கான இறுதி கட்டப் பணிகளாக ஏழை மாணவர்களைத் தேர்வு செய்து சுமார் 150 க்கும் அதிகமான மாணவ மாணவிகளுக்கு இலவச நோட்டுப் புத்தகம் வழங்குவதற்கான முன்னேற்பாடுகளைச் செய்து கொண்டிருந்தனர்.
ஆட்டம் போட்ட அசத்தியவாதிகள்:
இந்நிலையில் 9.6.2012 அன்று வழக்கம் போல அசத்தியவாதிகளின் ஆட்டம் ஆரம்பமானது. முன்பெல்லாம் தவ்ஹீத் ஜமாஅத் நடத்தக்கூடிய பிரச்சாரக்கூட்டங்களைத்தான் இவர்கள் வெறி கொண்டு எதிர்த்து வந்தனர். தற்போது இவர்களது வெறி முற்றிப்போய் தவ்ஹீத் ஜமாஅத் நடத்தக்கூடிய இரத்ததான முகாம்களைக் கூட நடத்த விடக்கூடாது என்று களத்தில் குதித்துவிட்டனர்.
இந்த குமரி மாவட்டத்திலோ நலத்திட்ட உதவிகள் வழங்குவதையும், அத்துடன் ஏழை மாணவ மாணவிகளுக்கு இலவச நோட்புக் வழங்குவதையும், அத்துடன் நடைபெறும் சத்தியப் பிரச்சாரத்தையும் சேர்த்து தடுத்து நிறுத்திவிடலாம் என்று களத்தில் குதித்துள்ளனர்.
ஏழைகளுக்கு நலத்திட்ட உதவிகள் செய்தால் கலவரம் வருமாம்:
இந்த பொதுக்கூட்டத்தை நாம் நடத்தினால் கலவரம் ஏற்படும் என்று பொய்யான புகாரை காவல்துறைக்கு அளித்துள்ளனர்.
ஏழை எளிய மாணவ மாணவிகளுக்கு படிப்பதற்கு நோட்டுப் புத்தகங்கள் வழங்கினால் அது கலவரத்தை உண்டு பண்ணுமாம். இவ்வாறு கூறுகெட்டதனமாக இவர்கள் கூறும் பொய்ப் புகார்களை காவல்துறை கணக்கில் கொள்வதுதான் வருந்தத்தக்க ஒரு விஷயம்.
எதிர்ப்புகளால் வளரும் டிஎன்டிஜே:
இப்படி தடைபோடப்படுவது தமிழ்நாடு தவ்ஹீத் ஜமாஅத்திற்கு புதிய விஷயமா? ஊர்கள் தோறும் இப்படி தடை போடப்படுவதும், அந்தத் தடைகளைத் தகர்த்தெறிந்து வல்ல ரஹ்மானின் பேருதவியோடு டிஎன்டிஜே இந்த சத்திய சன்மார்க்கத்தை மக்கள் மத்தியில் கொண்டு போய் சேர்த்துக் கொண்டு, மனித நேயப் பணிகளையும் சிறப்பாக செய்து வருவது அனைவருக்கும் தெரிந்த விஷயம் தானே! இங்கும் அதுதான் நிலை.
அந்த வரிசையில் குமரி மாவட்டத்தில் தவ்ஹீத் ஜமாஅத் நடத்த இருந்த சத்தியப் பிரச்சாரக்கூட்டத்தைத் தடுத்து நிறுத்த திட்டமிட்ட போலி சுன்னத் வல் ஜமாஅத்தினரின் முகத்திரையை வல்ல ரஹ்மான் கிழித்தெறிந்து சத்தியப் பிரச்சாரத்திற்கு மகத்தான வெற்றியை அளித்தான்.
இவர்களது பொய்ப்புகாரைக் காரணம் காட்டி நிகழ்ச்சிக்கு வழங்கப்பட்ட அனுமதியை மறுத்து அந்தர்பல்டி அடித்தனர் காவல்துறையினர். தடையை மீறி பொதுக்கூட்டம் நடத்தப்படும் என்று அறிவிப்பு செய்து பொதுக்கூட்டத்திற்கான அனைத்து ஏற்பாடுகளையும் செய்ய ஆரம்பித்தனர். டி.எஸ்.பி மிரட்டிப்பார்த்தும் வேலையாகவில்லை. அந்தப் பகுதியில் உள்ள எஸ்.ஐ. போலி சுன்னத் ஜமாஅத்தினரால் நல்லபடியாக(?) கவனிக்கப்பட்டதால் தவ்ஹீத் ஜமாஅத் நிர்வாகிகளிடத்தில் வரம்பு மீறிப் பேச நமது சகோதரர்கள் நாங்கள் தடையை மீறி பொதுக்கூட்டம் நடத்தியே தீருவோம் என உறுதிபடத் தெரிவித்தனர்.
குறித்த நேரத்தில் பொதுக்கூட்டம் ஆரம்பமானது. மந்தாரம் புதூரில் அல்லாஹ்வின் மகத்தான கிருபையைக் கொண்டு தடையை மீறி மாபெரும் பொதுக்கூட்டம் நடந்தது. அல்ஹம்துலில்லாஹ்
தடைபோட்டதால் எழுச்சி கண்ட பொதுக்கூட்டம்:
இவர்கள் இது போன்ற தடைகளைப் போட்டு பரபரப்பை ஏற்படுத்தியதன் விளைவாக எப்போதும் வரக்கூடிய மக்கள் திரளை விட அளவுக்கதிகமான மக்கள் வந்து குவிந்தனர்.
இவர்களது பொதுக்கூட்டத்தைத் தடுக்க பல முயற்சிகள் மேற்கொள்ளப்பட்ட போதிலும், தடையை மீறி இவர்கள் கூட்டத்தை நடத்துகின்றார்களே அப்படி என்னதான் இவர்கள் சொல்கின்றார்கள் என்று பார்ப்போம் என்பதை அறிய நிறைய சுன்னத் வல் ஜமாஅத்தார்களும் இந்நிகழ்ச்சியில் கலந்து கொண்டது மகத்தான வெற்றி. மந்தாரம் புதூர்
பஞ்சாயத்துத் தலைவர் அவர்கள் இந் நிகழ்ச்சியை தடை செய்வதை அறிந்து, “இந்நிகழ்ச்சியை நீங்கள் நடத்துவதற்கு யார் தடையாக இருந்தாலும், நான் இதனை நடத்துவதற்கு முழு ஒத்துழைப்பைத் தருவேன் என்று நம் கிளை நிர்வாகிகளிடம் வாக்குறுதியளித்தது நம் மக்களுக்கு மேலும் ஒரு வெற்றியாக அமைந்தது.
நமது சகோதரர்கள் அனைத்து கிளைகளிலிருந்தும் சாரை சாரையாக வந்து குவிந்தனர். கூட்டத்தை கிளைத் தலைவர் அவர்கள் துவக்கி வைக்க, முதலில் சிறப்புரையாற்றிய மாநில மேலாண்மைக்குழு உறுப்பினர் ஹாஜா நூஹ் அவர்கள், “நாங்கள் கட்டுப்படுவோம் என்பதற்காக எங்களை கோழைகள் என்று நினைத்தால் நாங்கள் வீரர்கள். படைத்த இறைவனைத் தவிர வேறு யாருக்கும் நாங்கள் அஞ்சமாட்டோம் என்பதை வாய் வார்த்தைக்கு மட்டும் சொல்லுகின்ற அமைப்பல்ல; அதை எங்களது செய்கையால் நிரூபிக்கின்ற அமைப்பு” என்பதை அழுத்தமாக பதிவு செய்து காவல்துறைக்கு கடுமையான எச்சரிக்கையை விடுத்ததோடு, “நன்மையை ஏவி, தீமையைத் தடுத்தல்” என்ற தலைப்பின் முக்கியத்துவத்தை
விளக்கிப் பேசினார்.
அதனைத் தொடர்ந்து மாநிலப் பொதுச்செயலாளர் அவர்கள், “நபிவழியே நம் வழி” என்ற தலைப்பில் போலி சுன்னத் வல் ஜமாஅத்தினரின் கொள்கைகள் அனைத்தும் புது வழி என்றும், நாம் செய்கின்ற அனைத்தும் நபி வழி என்பதையும் சிறப்பான முறையில் ஆதாரங்களை எடுத்துவைத்து விளக்கினார். இது நம்மை எதிர்ப்பவர்களையும் சிந்திக்கத் தூண்டும் விதத்தில் அமைந்திருந்தது. இறுதியாக மாணவ மாணவிகளுக்கு நோட்டுப் புத்தகங்கள் வழங்கப்பட்டன. அதிலும் பக்கத்து கிராமத்தைச் சேர்ந்த பிறமத மாணவர்களுக்கு முன்னுரிமை கொடுத்து வழங்கப்பட்டது.
காவல் துறையால் போடப்பட்ட தடையை இறையருளால் மக்கள் வெள்ளம் முறியடித்து சத்திய கொள்கைக்கு உயிரோட்டம் கொடுத்தது. இதில் இறைவனுடைய படிப்பினையாக கூட்டத்தை நடத்தவிடாமல் தடுத்தவரின் மனைவி அவரது வீட்டில் தவறி விழுந்து கிடந்த நிலையில் நம் ஜமாஅத் மக்கள் உடனடியாக அப்பெண்மணியை மருத்துவ மனைக்கு அழைத்துச் சென்றனர். ஆனால் அப்பெண்மணி ஏற்கனவே மரணித்துவிட்டதாக டக்டர்கள் கூறிவிட்டனர். எதிரியாக இருந்தாலும் உதவி செய்வது என்பது எங்களின் கடமை என்று நமது சகோதரர்கள் செய்த பணி அனைவரையும் ஒரு கனம் சிந்திக்க வைத்துள்ளது. எதிர்த்தவர்களையும் சிந்திக்க வைக்கும்.
No comments:
Post a Comment